مربوط اور مضبوط ماحول

اینگرو انرجی کیلئے لوگ اہمیت رکھتےہیں۔ ہم ایک ایسا کام کا ماحول یقینی بناتے ہیں جہاں ہمارے لوگ محفوظ،بااختیار اورپرامید ہوں تاکہ وہ جدت کاری اورزیادہ بڑے ہدف کے حصول میں اپنا بہتر حصہ ڈال سکیں۔ اینگرو انرجی فیملی احترام،اعتباراورشناخت کے ایک ایسے کلچرسے فیضیاب ہوتی ہے،جہاں آئیڈیاز پر کان دھرا جاتا ہے،کارکردگی کا صلہ دیا جاتا ہے،اور ملازمین کو مسلسل ترقی کرنے اور خود کی تشکیل نو کرنے کا حوصلہ دیا جاتا ہے۔

ہم ایک ایسے قابل تنظیمی کلچر کی آبیاری وفروغ پر توجہ مرکوز رکھتے ہیں جس میں ملازم سے رابطہ ترجیح ہو،ہماری لیڈرشپ پائپ لائن وجود میں آئے اور ہمارے ملازمین میں فخر کا احساس پیدا ہو۔ ملازمین سے تعلقات کے حوالے سے ہمارے جائزوں کے نتائج سے پتہ چلتا ہے کہ ملازمین کا مورال مثبت ہے۔ ان جائزوں میں حصہ لینے والی ذیلی کمپنیوں کے ملازمین میں اس حوالے سے اوسط 64 فیصد حاصل ہوئی ہے۔